我們的第三十一個月

先旨聲音，這是一篇宣愛文章，凡怕肉麻骨痹者請先迴避。

親愛的黃先生：

個多星期前，和你剛看完學友哥哥的演唱會（原來他的年齡絕對夠資格做我們的爸爸了，在他出道那年，便是你出生之年），整晚也在享受他的動人歌曲，但有一首，我是認為最touching的，便是《講妳知》。據學友說，這首歌是他作了《搖搖》給女兒後作給妻子May May的（因為學友知道女兒的媽媽也是女人，也會呷女兒醋），感動之處，這件事是發生在結婚後一段日子的。

要知道，人是有惰性的，當另一半在你身邊久了，我們便可能會習以為常，不再像以前般珍惜、愛。很難得，拍拖多年，連女都生埋，都仲可以咁咁作曲送給妻子，真是很感動！

很想藉這首歌告訴你，你是我所愛、所珍惜的。不論是1月23日、還是2月13日、又或是今天，都喜歡你，還越來越喜歡你！

**********************

看你背面　我身體欠自然
看你正面 兩手失控再顫
看你笑面　我開心數夜數天
與你說話　我啞口會無言與你碰面　
我體溫會亂變與你貼面　一世的經典
若你肯　再擁抱緊一點
我願意用我十年　去換我共你十天
要講你知　你的意義
每當我的心肝跳一次
沒法知　難制止
你是血液深於我每一處
要講你知　我的故事
這一秒即使心再不跳
在記憶　潛意識
愛是已在心中永世不變
光陰可以瞬間轉數十年
生死起跌也知不會倖免
當只有愛的感覺未曾變

年度大檢

又入院了！但各位不用擔心，今次入院，實為覆診。因為上年照胃鏡割左兩粒息肉，所以今年要再照睇下佢有無再生番出黎。星期一放工後入院，匆匆食完飯就打的去醫院（為補償十二點後水都唔俾飲，我一個女人仔叫左一個沙薑雞煲，呵呵...仲食晒D雞添，勁！）因為個天往往會係你無帶遮的日子落狗屎！

估唔到，入院都要等，聽醫院D嬸嬸講話如果唔好彩，就要等成個鐘先有得你上房！嘩！係香港人越來越有錢所以住私家醫院，定係香港人身體越來越差呢！今次claim公司保險，upgrade自已住5人房，仲係窗口床添（不過原來隻窗對正對面大廈，又適逢農曆7月，所以我都無開窗簾）

原來照胃您唔駛換手術衫，所以我就咁著住自已套睡衣入手術室，感覺好怪呀！由於有上次經驗，今次無咁驚，所以我就係護士打訓覺針之前眼仔碌碌四圍望，原來對住張床有個大mon俾醫生睇住照，其實都幾似打機咁！跟住就噴D好苦的spray入我個喉嚨，因為上次試過，所以我知有幾苦，護士講解時被Dr. Li踢爆我上次試過，護士即刻話：“咁你知有幾苦架啦”我答：“知...”跟住我含住啖野，唔吞（因為唔知吞唔吞得），護士就問吞左未，我無答，因為果時先知吞得，咪即吞囉，此時，Dr. Li答道：“佢苦得滯講唔到野”haha...我越來越鍾意呢位醫生！護士多口加句：“雲呢拿味架喎！”原來，護士也會講大話的！

跟住含住舊膠（俾醫生插內竅鏡用），過一陣，我就訓左lu。其間，我有D零碎片刻記得，如果你地試過被麻醉，就應該會有相同經驗，有D疑幻疑真、都唔知係咪夢片刻係腦中。我隱約記得嬸嬸推我返房後係我自已由手推床爬過病床的，但又好似無乜可能......

結果，yeah!!!又有粒新。又割左囉！又食2個禮拜藥，上年食到我入急症果隻藥，醫生話藥廠已經回收左，不過原因唔係令人頭痛，而係會令男人食完易有心臟病（一隻性別歧視的藥...）不過聽完都有D心寒

hehe...我仲係病房食雪糕添！仲叫護士姐姐幫我雪住先，遲D食！^__^

長洲夏日遊

8號巴塞

8 號風球撞正球賽，惟有延期啦！但估唔到，巴塞作客，都唔滿，香港的足球事業...唉~~~

公司片段

做CS的好處，就是和客人建立友好關係（對像當然是make sense又nice的客人啦！）我最喜歡的客人，就是這個Jance BB女。

首次碰面，她還在媽媽肚裡面，然後，看見她媽媽手抱著初生不久的BB，媽媽還問我還記得否那時候她肚子還大大的，現在肚裡的B已來到這地球看世界了！然後她又長大了，越來越肥，節瓜手，年藕腿，中間D頭髮又越黎越大執，最重要是，她真的很可愛啊！

她媽媽知道我喜歡她，所以每次都會專登抱阿B黎俾姐姐望下、玩下同抱下，呵呵呵~~~她爸爸媽媽說阿B仲開始認得我添，開心死我~~

願BB健健康康，快高長大，而且，請她父母唔好退倉，因為如果佢地退倉，我就無得再見得意B lu~~~























這張是我和公司Icon的合照！隻公仔要成600幾蚊，好貴呀！

會考

會考，我一直認為是用來折磨學生的刑具。
雖然A-level Paper考試時間比會考長很多，但心理壓力卻沒有Cert. Level咁大！

考A-level時，衰衰地都叫有預科畢業呀！但如果會考炒左，咁就真係乜都無！

我有一位鄰居男孩，從少都大都很生性、懂事（凡時有比較，因他的妹妹絕對算是要父母甚勞氣的，中一便不上學、甚至不回家，還有結交損友之嫌。父母試過因不讓女兒出街，一氣之下反鎖大門，女兒居然夠膽報警話父母禁錮。）知道他今年中五，會考前夕，放工回家經過他家門，特意看看見不見他在屋內，希望為他打打氣。看進屋內，見到他坐有飯臺前，便跟他打打氣，他說他正在整理學校資料，我便以過來人身份跟他說要假設自已得到不同分數的應變措施，他也早已有打算。雖然聽他媽媽說過期望不大，但仍在在心中祝福這男孩，望他順利過關。

今天，知道男孩只有5分，他打算重讀，但母親不大同意，因為認為5分離達標的標準太遠。但我卻支持他重讀，一次失敗算得D乜，最重要係你生活係香港，千祈咪信D展翅毅進幫到你，香港人從來不接受新事物，在他們眼中，只有中五升中七再上大學才是正常。可憐的香港學生，也只能成為無能的教育制度下的犧牲品。

什麼母語教學不會引致學生英文水準下降！！咁你D高官又做咩sent晒自已D寶貝仔女去外國同國際學校讀書呀？！你地有錢，有得簡！香港市民咪唯有俾你地玩囉！

唉！越講越勞氣！

我的兔子食菜篇